กลอน/ผญา เกริ่นนำรายการเพลงสำหรับ ดี เจ

กลอน/ผญาเกริ่นนำรายการสำหรับ ดีเจ  9  บทกลอน 

…………………………………

เกริ่นนำ  1

ผญา

……………………………….

สามทุ่มมาฮอดแล้ว  เสียงโฮแซวม่วนซืน

ม่วนมันหลายครึกครื้น  เพลงลำร้องหลากหลาย

เป็นรายการหลานชายหล่า  ดี เจ เอ๋ กำพร้าแม่

เอาเพลงลำร้องแหล่  ผญาก้อมมากล่อมนอน

วอนแฟนเพลงอย่าหนีหน่า  ปาหนีถิ่มปล่อย

ปิดเครื่องหนีหลานน้อย  ให่ฝอยฟุ้งอยู่ผู้เดียว

เสี่ยวสหายทางบ้าน  หวานใจผู้บ่าวเหิ่ม

ซอยส่งเสริมเปิดเครื่องให่  ไทยบ้านได้ม่วนนำ แน่เด้อ

………………..

เกริ่นนำ 2

กลอน

………………

สวัสดี  แฟนเพลง  ทุกทุกท่าน

คืนนี้หลาน  มาถึงแล้ว  เหมือนคืนก่อน

นำเสียงเพลง  ลำร้อง  มากล่อมนอน

มีคำสอน  ผยมผญา  ปู่ย่าเรา

เอามาเล่า  เป็นภาษา  ไทยอีสาน

ให้เบิกบาน   ทุกข์หาย   คลายความเหงา

เติมความสุข  ให้มวลผอง  พี่น้องเรา

ที่คอยเฝ้า  ติดตาม  ทุกค่ำคืน

………………………………………….

เกริ่นนำ 3

ผญา

………………………………………

สามทุ่มมาฮอดแล้ว  เสียงโฮแซวม่วนซื่น

ม่วนมันหลายครึกครื้น  เพลงลำร้องหลากหลาย

เป็นรายการหลานชายหล่า  ดี เจ เอ๋ กำพร้าพ่อ

มานั่งรอเปิดเพลงให่  ไทยบ้านได้ม่วนยิน

กินข้าวแลงอิ่มแล้ว  มาซุมแซวนำหลานแน่

ฟังข่อหล่อแข่แหล่  ผญาก้อมก่อนนอน

วอนแฟนเพลงอย่าหนีหน่า  ป๊ะหนีถิ่มปล่อย

ฟังเพลงลำนำหลานน้อย  ฟังฝอยแล้วจั่งค่อยฝัน  พี่น้องเอย

………………..

เกริ่นนำ 4

กลอน

………………

สามทุ่มแล้ว  เสียงโฮแซว  แอ่วอีสาน

ทั้งเพลงมัน เซิ้งซิ่ง  สวิงสวาย

ถีบความทุกข์  กระเด็นหาย  มลายไป

เติมสิ่งใหม่  ให้สดสวย  ด้วยเสียงเพลง

ทั้งเพลงเก่า  เพลงใหม่  มีให้ครบ

เปิดเครื่องพบ  คนรอสาย  ให้ซุ้มเสียง

ดีเจเอ๋   หลานชาย  ของท่านเอง

คอยเปิดเพลง  ที่ท่านขอ  โปรดรอฟัง

…………………………..

เกริ่นนำ 5

ผญา

…………………………….

ห้าโมงแลงแล้ว  เสียงโฮแซวม่วนซื่น

เสียงร้องลำครึกครื้น  รำฟ้อนม่วนมัน

กลับจากงานเมื่อยม้อย ถอยแฮงแข้งขาล่อย

อาบน้ำคอยกับข้าวแล้ว  ไปนั่งล้อมกินข้าวแลง

แสงตะเว็นค่ำค้อย  เปิดวิทยุฟังเพลง

ฟังเสียงของ ดีเจ เอ๋ ถามจักคำก่อนกินข้าว

เจ้าเคยเห็นผีเป้า ผีโพงแล้วจักเทือ

ผีพวกนี้  ทางบ้านข่อยจั่งแม่นหลาย

ข่อยกับหมู่เอื้อยอ้าย  กลายเป็นผียามค่ำ

ใช้ไฟโคมย่างจ้ำ  เลาะฝั่งน้ำห่วยหนอง

ทุกข์ย้อนหาใส่ท้อง  ค่ำบ่ได้ยืนคืนบ่ได้อยู่

เป็นหมู่เพลงฟังข่อยเว้า  ตอนกินข้าวอย่าสิไล  เด้อ พี่น้องเอย

……………….

เกริ่นนำ  6

กลอน

……………….

แส งตะวัน  ลาลับ  กับขอบฟ้า

เป็นสัญญา  มืดค่ำ  กลับมาถึง

ละจากนา  ขึ้นรถมอ  ฮ้อตะบึง

กว่าจะถึง  บ้านเรา   เข้าไต้ไฟ

ยกสำรับ  กับข้าว   เอามาตั้ง

ทานข้าวฟัง  เพลงมัน  ทันสมัย

โทร.ขอเพลง  ดีเจเปิด  ให้ตามใจ

ส่งถึงใคร  ต่อใคร  ที่หมายปอง

ชีวิตเรา  สุขสันต์  เสียปานนี้

มีไม่มี  เราก็หนึ่ง  ไม่เป็นสอง

เพราะแดนดิน  ถิ่นนี้  คือแหลมทอง

เป็นเจ้าของ  ด้วยกัน  ฉันกับเธอ

……………….

เกริ่นนำ  7

ผญา

……………….

สุขสำบายหมั่น  เสมอมันเคือเก่า

เจ้ากะอยู่บ้านเจ้า กินข้าวแซบแต่ผู้เดียว

เหลียวมาเบิ่งบ้านข้อย  ชายพลอยผู้ทุกข์ยาก แน่เด้อ

วีหัวปลาทูมาใส่ปาก  พอได้หย่ำแด่เป็นหยัง

แลกฟังเพลงหลานชายหล่า  เปิดถ่าคอยยามค่ำ

กินข้าวนำฟังเพลงพร้อม  แซบอ่อมหล่อมอิ่มบ่เป็น

หลานกะเว้าเล่นเล่น   คันเป็นจั่งหลานว่า

ขออาสาเปิดเพลงให้   เจ้าได้ฟ้อนคู่สู่วัน  ซั้นแหล่ว

……………….

เกริ่นนำ  8

กลอน

……………….

บ้านเจ้ากิน  น้ำพริก  ปลาทูใหญ่

ขอน้ำใจ  ให้หัวปลา  ข้าได้ไหม

พอให้กลืน  ข้าวได้  บ้างปะไร

ข้าจะเปิด  เพลงให้   เจ้าได้ฟัง

ข้ามีเพลง  มากมาย  ให้ฟังเปล่า

เพียงเปิดเข้า ฟังได้ ไม่ผิดหวัง

ไม่ต้องเสีย  เงินทอง  สตุ้งสตางค์

โทร.มาสั่ง  ฝากถึงใคร  ได้ทันที

…………………

เกริ่นนำ  9

ผญา

……………….

สุขสำบายหมั่น  เสมอมันเคือใหม่

เป็นจั่งใดละพี่น้อง  ดำนาแล้วหรือไป่ยัง

เอื้อยสมหวังอ้ายทิดแห้ว  ดำนาแล้วหรือไป่

สิไปหาหน่อไม้  โทร.ให่ข่อยฮู้แนเด้อ

เทือข่อยมีเวลาว่าง   สิไปนำพอได้ค่า

พายกะต่าก่นหน่อไม้  ได้แบ่งต้มจ้ำแจ่วบอง

คันฉลองต้มหน่อไม้  อย่าลืมโทร.หาข่อยแน

สิเปิดลำร้องแหล่   ฉลองให่ได้ม่วนมัน  ซั้นดอกวา พี่น้องเอย