Screen Shot 2562-01-22 at 22.19.16Screen Shot 2562-01-22 at 22.19.16Screen Shot 2562-01-22 at 22.19.16Screen Shot 2562-01-22 at 22.19.16
  • หน้าแรก
  • เกี่ยวกับพ่อครู 1
    • เกี่ยวกับพ่อครู 2
    • เกี่ยวกับพ่อครู 3
    • เกี่ยวกับพ่อครู 4
    • เกี่ยวกับพ่อครู 5
    • เกี่ยวกับพ่อครู 6
  • หมวดหมู่
    • กลอน กลอนลำ
    • บทพิธีกร พิธีการ คำกล่าว
    • ผญา บทสู่ขวัญ
    • บทความ ทรรศนะ
  • ฝากข้อความ

ความฮัก(ผญา)

  • Home
  • ผญา บทสู่ขวัญ
  • ความฮัก(ผญา)
กลอนงานแต่งงาน
ตุลาคม 21, 2010
ลำนำดนตรีอิสาน(โปงลาง)
พฤศจิกายน 5, 2010

ความรักสร้างโลก แต่ความเกลียดชังทำลายโลก

ความรักคือความคิดถึงและความเอื้ออาทรที่มีต่อกัน

 

1. ฮักกันนั้น                       ข้าวปั้นเกลือกะอร่อย

แม่นว่ามีลาบก้อย            ชังแล้วบ่อยากเหลียว  นางเอย

 

2. ยิ้มให้กันนั้น                  คือการกอดระยะไกล

ผูกไมตรีให้ยืนยาว           เสริมฮักเฮาให้คงหมั่น นางเอย

 

3. คันบุพเพเคยสร้าง          เป็นผัวเมียกันแต่ชาติก่อน

ตอนแรกเห็นพ้อหน่า        สิฮักหมั่นปานว่าเคย ซั่นแหล่ว นางเอย

 

4. มีคู่ครองหวังไว้               ได้อาศัยพาเฮาย่าง

ผัวเป็นช้างเท้าหน่า              เมียเป็นช้างเท้าย่างหลัง  พี่น้องเอย

 

5. คันปุพเพเคยสร่าง          ฮ่วมกันแต่ชาติก่อน

บุญสิหลอนส่งให่                  ฮักกันได้ดั่งเดิม  นางเอย

 

6. ฮักเจ้าแล้ว                     เป็นแนวใด๋กะตามซาง

บ่สมหวังได้แต่งเจ้า          ฮอดมื้อเถ่ากะสิคอง  นางเอย

 

7. บ่มีสิทธิ์ฮักเจ้า                สิลี้อยู่คือกบ

พบคนเดินผ่านมา             กระโดดจ๋อมลงน้ำ  นางเอย

 

8. เพิ่มความฮักให่หลายขึ่น           อายุยืนยาวยิ่ง

เพิ่มคนฮักมากหน่า                           อายุสั้นย้อนเมิดแฮง  พี่น้องเอย

 

9. อ้ายฮักเจ้า                     ตั้งแต่แรกเหลียวเห็น

ทั้งกลางเว็นกลางคืน        ฝันเห็นแต่หน่าเจ้า  นางเอย

 

10. อ้ายฮักเจ้า                               ตั้งแต่แรกเหลียวเห็น

อ้ายอยากเป็นแฟนนาง               ว่าจั่งใด๋นอเจ้า  นางเอย

 

11. คึดฮอดเจ้า                    เบิ่งเดือนดาวแฮงคึดฮอด

อ้ายอยากอดเจ้าไว้            นอนแนบข่างบ่ห่างกัน  นางเอย

 

12. คึดฮอดเจ้า                    เบิ่งเดือนดาวกะบ่ส่วง

ป่วงคือเป็นบ้าใบ้                ใจไข่บ่ส่วงหาย  นางเอย

 

13. คึดฮอดเจ้า                    เบิ่งเดือนดาวกะบ่ส่วง

ป่วงเป็นคือบ้าใบ้                 สิไปหน่าผัดถอยหลัง  นางเอย

 

14. อ้ายฮักเจ้า                     ตั้งแต่แรกได้ยินเสียง

เพียงได้ยินจ๊ะจ๋า                เจ้าโทรมาอ้ายฮักโลด  นางเอย

 

15. ฮักเฮานั้น                      วันคืนมีคุณค่า

มีสัญญาผูกไว้                    ใจเขียนขึ้นฮ่วมกัน  นางเอย

 

16. อ้ายอักเจ้า                     ฮักทุกสิ่งที่เจ้ามี

ฮักทุกอบ่างที่เจ้าเป็น          ฮักทุกอันที่เป็นเจ้า นางเอย

 

17. อ้ายนี้ หวังสิมาซอยส่าง  ถางโพนปลูกหมากถั่ว

มาเป็นผัวพาส่าง                     ทางเจ้าว่าจั่งใด  นางเอย

 

18. คันผัวมีเมียน้อย                  ปล่อยไปอย่าฮ้ายด่า

ผัวคืนมาให่ค่อยเว้า                    เอาดีเข่าผูกมัดใจ  นางเอย

 

19. คันแม่นผัวกินเหล่า         เมามาอย่าฟ้าวด่า

ถ่าให่ผัวส่วงเหล่า                  จั่งค่อยเว้าค่อยจา  นางเอย

 

20. หาคนดีบ่ได้                   ให่ป็นโสดดีกว่า

แต่งกับคนชั่วช้า                  เป็นขี่ข้าฮอดมื้อตาย  นางเอย

 

21. การสิเลือกผัวนั้น                  อย่าสรรหาแต่รวยหร่อ

อยู่ไปโดนเลือกบ่ได้                    ฮอดวัยเถ่าสิขึ่นคาน  นางเอย

 

22. การเลือกผัวเมียนั้น        อย่าแข่งขันยาดแย่ง

แต่งกับคนที่ยาดได้                     มันบ่คุ้มเทื่อหย่ากัน  พี่น้องเอย

 

23. การเป็นผัวเมียนั้น          อยู่นำกันบ่เบื่อหน่าย

ไห่เติมฟืนไฟอยู่เรื่อย           สิยืนหมั่นฮอดมื้อตาย  พี่น้องเอย

 

24. เมื่อเฮามีลูกเต้า              เฮาต้องฮักแต่อย่าหลง

ให่หมั่นคงส่งเสริม                 เฮียนให่สูงเอาไว้  พี่น้องเอย

 

25. การสิสอนลูกเต้า                        เฮาต้องเชื่อครูอาจารย์

ให่ลูกอ่านหนังสือ                      เฮ็ดรายงานส่งครูพร้อม  พี่น้องเอย

 

26. คันลูกติดเกมแล้ว           มีแต่แนวยุ่งยาก

ติดยาบ้าแฮงเป็นฮ้าย                  แลงงายหน่าบ่เห็น  พี่น้องเอย

 

27. การส่งเสริมลูกให่           เล่นดนตรีกีฬาเด่น

เป็นการซอยลูกให่               ได้ของเล่นดีกว่าเกมส์ พี่น้องเอย

 

28. การส่งเสริมลูกเต้า          ให่เข่าวัดทำบุญ

สิเป็นทุนความสุข                   เสริมลูกเฮาให่ดีได้  ซั้นแหล่ว พี่น้องเอย

 

29. ฮักจริงนั้น             ใจผูกพันบ่แหนงหน่าย    

แม่นว่าฮูปฮ่างฮ้าย       คันฮักแล้วกะหร่อสวย   นางเอย

Share
15
admin

3 Comments

  1. Lamar Furlone พูดว่า:
    เมษายน 17, 2012 เวลา 12:50 pm

    I just want to mention I am just all new to blogging and definitely enjoyed this blog. Likely I’m likely to bookmark your site . You definitely have impressive writings. Bless you for revealing your web-site.

    ตอบกลับ
  2. Ogrodzenia พูดว่า:
    กันยายน 27, 2012 เวลา 5:15 am

    This is the worst write-up of all, I

    ตอบกลับ
  3. Ogrodzenia พูดว่า:
    ตุลาคม 5, 2012 เวลา 5:51 am

    I can’t determine how do I subscribe for your blog Sztachety

    ตอบกลับ

ใส่ความเห็น ยกเลิกการตอบ

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *

ป้ายกำกับ

งานขึ้นบ้านใหม่ งานขึ้นปีใหม่ งานฌาปนกิจศพ งานบวช งานบุญกฐิน งานบุญข้าวจี่ งานบุญบั้งไฟ งานบุญประทายข้าวเปลือก งานบุญผ้าป่า งานบุญพระเวสสันดร งานบุญมหาชาติ งานบุญอุทิศส่วนกุศล งานบุญแจกข้าว งานประเพณีตักบาตรเทโว งานประเพณีลอยกระทง งานประเพณีแข่งเรือยาว งานประเมินโรงเรียน งานปัจฉิมนิเทศ งานมงคลสมรส งานมอบประกาศนียบัตร งานรับขวัญ งานวันครู งานวันสงกรานต์ งานวันสหกรณ์แห่งชาติ งานวันเกิด งานวันเฉลิมพระชนมพรรษา งานวันเด็กแห่งชาติ งานวันแม่ งานวันแม่แห่งชาติ งานศพ งานอุปสมบท งานเกษียณอายุราชการ งานเข้าค่ายลูกเสือ งานเปิดร้านใหม่ งานเลี้ยงรับส่ง งานแต่งงาน
Live visitors
127
1183
Visitors Today
2146987
Total
Visitors
© 2022 พ่อครูดอทคอม | porkru.com. All Rights Reserved. Muffin group