ผญาบุญคุณพ่อแม่

…………………..

กลอนที่ 1

…………………

ผญาบุญคุณแม่

บุญคุณของแม่นั้น  ทะเลหลวงกะบ่ส่ำ

ท้องฟ้าเพินว่ากว้าง  บ่เคิงเสี่ยวคุณแม่เฮา

แม่นสิเอาแผ่นฟ้า  แทนกระดาษวาดขีดเขียน

น้ำทะเลแทนน้ำหมึก ใส่ปากกาเขียนคำเว้า

เขียนบรรยายจนฮอดเถ่า  เว้าพระคุณแม่บ่ทั่ว

ยกใส่หัวยอใส่เกล้า  แม่เฮานั้นจั่งค้ำคูณ  พี่น้องเอย

…………………………..

กลอนที่ 2

………………………

ผญาบุญคุณพ่อแม่

บุญคุณพ่อแม่นั้น  หนักเกิงธรณี

ไผผู้ยอแยงพบ  จั่งสิเฮืองเมือหน่า

ไผผู้วาจาต้าน  ให่สองเขือน้ำตาหลั่ง

บาปท่อฟ้า  เวรนั้นท่อแผ่นดิน

ไผผู้ทำการส่าง  เสริมตอบแทนคุณ

สืบสกุลโคตรแนว  ให่แผ่พืนไปหน่า

บุญสิพาส่งให่  สุขสำบายม่วนซืน

อายุยืนฮอดร้อย  เงินคำแก้วกะหลั่งโฮม  พี่น้องเอย