ผญากล่าวในงานพบปะสังสรรค์

เป็นผญาในงานพบปะสังสรรค์ มี 3 ตัวอย่าง ท่านสามารถนำไปปรับใช้ได้ครับ

 ………………….

กลอนที่ 1

…………………..

ผญาเกี่ยวกับการท่องเที่ยวเขื่อนอุบลรัตน์

………………………………………………………………………………………………

สวัสดีทุกท่าน  ที่มางานนัดท่องเที่ยว       

มาคนเดียวหรือมาพร้อม  ผัวเมียแก้วลูกหลาน

ผู้อำนวยการหลายท่าน  พากันมาจากหลายที่     

นัดพบกันเทือนี้  มีขึ้นเป็นเทือสอง

ผ.อ.อาทิตย์นัดพวกพ้อง  มาเขื่อนอุบลรัตน์        

นัดพบวังมัจฉา  ล่องแพมาในน้ำ

ผ.อ.สุรกิจแล่นรถข่ามเซกามาไว่ไว่               

 ผ.อ.ศักดิ์ชายแล่นข่าม  บ้านม่วงพุ้นด่วนมา

ผ.อ.จำรัสบ่ชักช้า   แล่นมาจากอากาศ                

ผ.อ.จินดาพรพลาดบ่ได้  หนองคายพุ้นด่วนจี๋

รอง ผอ.เขตสำราญแล่นที่ลี้จากถิ่นที่เมืองอุดร    

ผ.อ.สมพรบ้านอยู่ไกล  แล่นจากเลยมาถึงพี้

ผอ.พีระทัยมาจากบ้าน  อ.พรรณาฝ่าหลายด่าน      

ผ.อ.สมานแล่นจากหม่อง  นกยูงฮ้องอยู่ท่งนา

ผอ.นิคมน้องชายหล่า  จากอุดรเมืองใหญ่       

ผ.อ.ไพศาลอยู่บ่ได้    ภูเวียงพุ้นกะแล่นมา

ผอ.ชวามาจากบ้าน กุมภวาไข่มดแดงโต่ง    

ผ.อ.จักรพงษ์มาจากบ้าน  หมากม่วงน้อยอร่อยหวาน

สานสัมพันธ์กันหมั่น  ฮักแพงบ่แหนงหน่าย     

คันบ่ตายฮอดปีหน่า  สัญญาไว้ได้พบกัน

ขออวยพรให่ทุกท่าน  สุขสำราญการท่องเที่ยว     

ผู้ใด๋เคียวให่ได้พ้อ ห่อโอ้นโต้นใหญ่ถืกใจ

ผู้ใด๋ของบ่ขึ่น ยาดีพอมีอยู่    

ถามหมู่นั่งข่างข่าง ยังพอได้แบ่งปัน

ให่เจ้าสุขีหมั่น เสมอมันเคือใหม่    

โชคลาภไหลหลั่งเข่าโฮมเจ้าสู่วัน

การงานให่ก้าวหน่า  การศึกษาให่เฮืองฮูง  

 เงินเดือนสูงปีละสองขั่น เงินตำแหน่งนั้นให่หลั่งโฮม เด้อ

โอม ตุ ตะ ตุ ตะ ตุ ตะ…………………… เพี้ยง !

……………………

กลอนที่  2

………………….

ผญากล่าวในงานสังสรรค์เที่ยวรีสอร์ตทานตะวัน อ.วังสะพุง จ.เลย

…………………………………………………………………………….

สวัสดีทุกท่าน   ที่มาสัง/สรรค์ท่องเที่ยว       

มาคนเดียวข่อหล่  หรือมาพร้อมผู้ถืกใจ

ผู้อำนวยการหลายท่าน  พากันมาจากหลายที่     

นัดพบกันเทือนี้  มีขึ้นเป็นเทือสาม

ผ.อ.สมพรนัดข่าม  มาแต่วังสะพุง        

ภูเขาสูงผู้สาวงาม  เบิ่งยามใดคือนางฟ้า

มหาบัณฑิตมากันพร้อม  ยอมจ่ายเงินบ่อั้นอั่ง 

หวังได้มากินข้าว เช่ารีสอร์ทซิ่งเบิ่งสาว

อาวสมพรจองไว้ให่  รีสอร์ตชื่อทานตะวัน   

ม่วนนำกันให่เมิดคืน มื้ออื่นเฮาจั่งเมือบ้าน 

ผอ.สมานมาพร้อมรองฯสำราญเขตสี่  

แล่นรถมาที่ลี้ ขอนแก่นพุ้นบ่อนเพินมา

อ.ชวามาจากบ้าน  กุมภวาขอนแก่น  

อยู่แดนเดียวกับสาวซิ่ง  ธัญญพรน้องผู้เพินงาม

เมืองแก่นขามขาดบ่ได้  ผอ.อาทิตย์นัดปีก่อน  

สะออนสาวได้ด๊อกเต้อร์  ชัญแขน้องแม่นเก่งหลาย

 สาวผู้งามป่ายหล่าย  หนองคายบ้านเพินอยู่ 

สู้เขาได้สู่หม่องรองฯจินดาพรให้จื่อจำ

ยามใดหมู่ผินหน่า ไปเซกาอย่าลืมเสี่ยว 

ผอ.สุรกิจพาเที่ยวได้ ใจกว้างปานแม่โขง

คันอยากลงลอยน้ำ ล่องแม่โขงในขวด  

ผอ.บุญชิดซ่อยได้ หนองคายบ้านหมู่เฮา

หมักสาวลาวให่หมู่เอิ้น ผอ.จักรพงษ์บ้านม่วง 

คันง่วงนอนให้หมู่เอิ้น ผอ.จำรัสเว้าเล่านิทาน

ยามมีงานให้หมู่เอิ้น  ผอ.นิคมมาซ่อย 

ฝอยผญาพอซอยได้  ศักดิ์ชายให่เอิ้นหา

ผลามีได้พ้อหน่า  วาสนาหลายได้มาฮ่วม

มาตุ้มโฮมเป็นพี่น้อง มาตีฆ้องฮ่วมกัน

สานสัมพันธ์กันหมั่น  ฮักแพงบ่แหนงหน่าย     

คันบ่ตายฮอดปีหน่า  สัญญาไว้ได้พบกัน

ขออวยพรให่ทุกท่าน  สุขสำราญการท่องเที่ยว     

ผู้ใด๋เคียวให่ได้พ้อ ห่อโอ้นโต้นใหญ่ถืกใจ

ผู้ใด๋ของบ่ขึ่น ยาปัวพอมีอยู่    

จ้างผู้สาวส่ำน้อย เหนี่ยงให่เอาส่ำใด

ให่เจ้าสุขีหมั่น เสมอมันเคือเก่า     

ผู้เถ่าเถ่าถ่าอยู่บ้านให่ของขึ้นจนออกแสง 

เมือมื้อแลงให่เจ้าได้ เบิกถอยหลังฮอดสามสี่ 

โชคดีขี่ถืกหม่องเงินทองล้นหลั่งโฮม… สู่คนเด้อ

โอม  สะวาหิ  โอม  สะวาหะ  โอม ตุ ตะ ตุ ตะ ตุ ตะ…………………… เพี้ยง  

……………………

กลอนที่  3

………………….

งานสังสรรค์เที่ยวรีสอร์ตทานตะวัน อ.วังสะพุง จ.เลย

…………………………………………………………………………….

สวัสดีทุกท่าน   ที่มาสัง/สรรค์ท่องเที่ยว       

มาคนเดียวข่อหล่อ  หรือมาพร้อม/ผู้ถืกใจ

ผู้อำนวยการหลายท่าน  พากันมา/จากหลายที่     

นัดพบกันเทือนี้  มีขึ้น/เป็นเทือสาม

ผ.อ.สมพรนัดข่าม  มาแต่/วังสะพุง        

ภูเขาสูงผู้สาวงาม  เบิ่งยามใด๋/ปานนางฟ้า

มหาบัณฑิตมากันพร้อม  ยอมจ่ายเงินบ่อั้นอั่ง 

หวังได้มากินข้าว เช่ารีสอร์ทซิ่งเบิ่งสาว

อาวสมพรจองไว้ให่  รีสอร์ทชื่อทานตะวัน   

ม่วนนำกันให่เมิดคืน มื้ออื่นเฮาจั่งเมือบ้าน 

ผอ.สมานมาพร้อม  รองฯสำราญเขตสี่  

แล่นรถมาที่ลี้ ขอนแก่นพุ้นบ่อนเพินมา

อ.ชวามาจากบ้าน  กุมภวาขอนแก่น  

อยู่แดนเดียวกับสาวซิ่ง  ธัญญพรน้องผู้เพินงาม

เมืองแก่นขามขาดบ่ได้  ผอ.อาทิตย์นัดปีก่อน  

สะออนสาวได้ด๊อกเต้อร์  ชัญแขน้องแม่นเก่งหลาย

 สาวผู้งามป่ายหล่าย  หนองคายบ้านเพินอยู่ 

สู้เขาได้สู่หม่อง รองฯจินดาพรให้จื่อจำ

ยามใดหมู่ผินหน่า ไปเซกาอย่าลืมเสี่ยว 

ผอ.สุรกิจพาเที่ยวได้ ใจกว้างปานแม่โขง

คันอยากลงลอยน้ำ ล่องแม่โขงในขวด  

ผอ.บุญชิดซ่อยได้ หนองคายบ้านหมู่เฮา

หมักสาวลาวให่หมู่เอิ้น ผอ.จักรพงษ์บ้านม่วง 

คันง่วงนอนให้หมู่เอิ้น ผอ.จำรัสเว้าเล่านิทาน

ยามมีงานให้หมู่เอิ้น  ผอ.นิคมมาซ่อย 

ฝอยผญาพอซอยได้  ศักดิ์ชายให่เอิ้นหา

ผลามีได้พ้อหน่า  วาสนาหลายได้มาฮ่วม

มาตุ้มโฮมเป็นพี่น้อง มาตีฆ้องฮ่วมกัน

สานสัมพันธ์กันหมั่น  ฮักแพงบ่แหนงหน่าย     

คันบ่ตายฮอดปีหน่า  สัญญาไว้ได้พบกัน

จบบทบั้น  ทักทายกันท่อนี้ก่อน

ขออวยพรส่งท้าย  ให่หมู่เพื่อนจงอยู่ดี

อย่าได้มีเหตุฮ้อน  สรรพสิ่งอันใด

โพยภัยหาย  อันตรายให่หนีเกลี้ยง

ชื่อเสียงให่ดังก้อง  เงินทองให่ลุหลั่ง

สุขสมหวังสู่ด้าน  การงานเจ้าให่ฮูงเฮือง

ทั้งการเมืองการมุ้ง  ม่วนมันบ่มีเมื่อย

มิดมับม้อย  เมิดสิ้นอย่าสิมี

ให่โชคดีทุกท่าน  สุขสำราญการท่องเที่ยว     

ผู้ใด๋เคียวให่ได้พ้อ ห่อโอ้นโต้นใหญ่ถืกใจ

ผู้ใด๋ของบ่ขึ่น ยาปัวพอมีอยู่    

จ้างผู้สาวส่ำน้อย  เหนี่ยงให่เอาส่ำใด

ให่เจ้าสุขีหมั่น เสมอมันเคือเก่า     

ผู้เถ่าเถ่าอยู่บ้านให่ของขึ้นจนออกแสง 

เมือมื้อแลงให่เจ้าได้ เบิกถอยหลังฮอดสามสี่ 

โชคดีขี่ถืกหม่อง  เงินทองล้นหลั่งโฮม เด้อ

โอม  สะวาหิ  โอม  สะวาหะ  โอม ตุ ตะ ตุ ตะ ตุ ตะ…………………… เพี้ยง

………………….

กลอนที่  4

………………..

ผญากล่าวในงานสังสรรค์ก่อนไปเทียวภูทอก

…………………………………………………………………………….

กราบคารวะอัญญาท่าน   รศ.ดร.สุทธิวรรณ   ที่เคารพ

ที่มาพบมาหา  นัดศิษย์มาโฮมตุ้ม

มาชุมนุมกันกินข้าว  เพื่อเอาแฮงไปเที่ยวต่อ

ถ่อสังขารขึ่นฟ้า  เบิ่งภูทอกให่ส่วงใจ

ไผเป็นไผลูกศิษย์ท่าน  สิทำการแนะนำก่อน

ผู้ง่วงนอนให่ตาตั้ง  ฟังอ้ายกล่าวแนะนำ

สำบายดีอ้ายน้อง   ที่มาฮ่วมสังสรรค์

มานำกันหลายคน  หรือเดินเดียวเคือบ่เกี้ยว      

อยู่ผู้เดียวแต่ยามนี้   ถึงยามนอนมีคนกล่อม

มีอ้อมล้อมแอ้มแล่ม  รอเอิ้นให่ส่งลายน์

ผู้อำนวยการหล่วยหล่าย  พากันมาจากหลายที่     

นัดพบกันเทือนี้  มีเรื่องเว้าหลากหลาย

ผอ.อุทิศกะตายแล้ว   ตั้งแต่ต้นปีห่าเจ็ด

เฮ็ดบุญส่งไปหา   สู่สวรรค์ตั้งนานแล้ว

ผู้ที่แจวนำก้น   คือรองผอ.เขตสี่

รองสำราญชื่อนี้  กะตายแล้วดั่งกัน

ขึ่นสวรรค์แต่โดนแล้ว  ขอแจ้งข่าวนำหลัง

ฟังแล้วให่ตั้งใจ  อุทิศส่วนกุศลให่

ขึ่นสวรรค์ไปแล้ว  ให่โฮแซวม่วนซื่น

หลายหมื่นปีนอนอยู่ชั้น  วิมานฟ้าบ่อนสำบาย

คันเฮาตายให่มาเอิ้น  เอาเฮาไปนำแน

อย่าลืมแวมาเอิ้น  หมู่ตายแล้วขึ่นสวรรค์

นับต่อจากนี้นั้น  สิแนะนำหมู่ยังอยู่

หมู่ที่มีฮักหมั่น   มาวันนี้ด้วยยินดี

ธีระชัยนามนี้   รองผอ.อาชีวะพรรณา

ขี่รถมาจากแดนดิน   ถิ่นสกลคนน้ำถ่วม

สวมวิญญาณนักสู่  น้ำถ่วมมาหาปลาเต่า

น้ำถ่วมเซาได้ปลาส่ม  ปลาแดกต้วงเต็มโอ่งไห

ผอ.ไพศาลเมฆสงฆ์นั้น   จากขอนแก่นภูเขียว 

คนเคยเคียวเลาะตีนเขา    เซาเคียวแต่โดนแล้ว

ขี่รถแจวจากบ้าน    มางานเพื่อพ้อหมู่

อยากพ้อครูท่านด๊อกเต้อร์  อยากเจอหน่าเสียวสหาย

ผอ.นิคมหล่วยหล่าย   มาจากเมืองอุดร

มานำกันกับผอ.ซวา  ป้องขาวคนโก้

ปะวันโตสกุลนี้   ด๊อกเตอร์สมานเจ้าของชื่อ

มือฉมังแห่งห่อง  อุดรพุ้นกะด่วนมา

ผอ.อาทิตย์พร้อม  ผอ.ไพศาลจากขอนแก่น

จากดินแดนนักปราชญ์โก้   ชื่อก้องโด่งดังไกล

นางสาววิจิตรนั้นไซร้  จากขอนแก่นคือกัน

ใจผูกพันแพงฮัก   ยากปานใด๋กะมาได้

จากแดนไกลทางเขตแคว้น  แดนเมืองเลยผีตาใหญ่

ผอ.สมพรเพิ่นกะได้   เดินทางข่วมป่าเขา

ใจบ่เอามาบ่ได้  เพราะทางไกลเหลือจะกล่าว

ขับรถซาวตำพุ้นพี้   มาฮอดหนี่ย้อนฮักแพง

หมู่ที่มาจากแหล่ง  เมืองบั้งไฟพญานาค

มาจากฮิมแม่น้ำ  โขงกว้างแม่นที

มีนำกันสามล้วน  คนแรกชื่อจินดาพร

คนที่สองฉันท์แข   แน่นอนเป็นด๊อกเต้อร์

คนที่สามคันเจอแล้ว  ให่เอิ้นเอาผอ.บุญชิต

ผู้จิตใจดีงาม  กว้างยาวปานแม่น้ำ

ทั้งสามคนคงหมั่น  ใจเดียวกันฮักหมั่นแก่น

เป็นแกนนำฮิมแม่น้ำ  โขงกว้างแม่นที

อยู่บ่ไกลจากหนี่   เป็นถิ่นที่จ.บึงกาฬ

บ้านผอ.สุรจิตร  ผิวงามนามก้อง

ล่องเฮือมาตามน้ำ   สามคืนจั่งมาฮอด

มื้อนี้จอดรถแล้ว  แซวหมู่เล่นม่วนยิน

จากดินแดนน้ำถ่วม  เมืองสกลคนแอวอ่อน

ดินแดนแห่งรำฟ้อน  ซิ่งเซิ้งบ่าวภูไทย

ไผบ่เคยเห็นเซิ้ง   ผอ.จำรัสให่ถ่าเบิง

ผอ.จักรพงษ์เซิ้งเห็ดเผิ่ง   เคยเห็นแล้วม่วนหลาย

ผอ.ปาระวีนี้หละใช่   คนไคแน่เมืองสกล

ฟ้อนกะสวยคนกะงาม  ความฮู้หลายเป็นด๊อกเต้อร์

หนุ่มเมียเผลอละเมอฮ้อง  ในใจอยากเกิดใหม่

ผอ.ศักดิ์ชายผู้ขี่ฮ้าย   ยังคึดด้ามดั่งกัน

เว้าเอามันเด้อน้อง  อย่าเคียดขมจ่มให่พี่

เว้าแต่ดีบ่หยอกบ้าง  สิหัวยุ้มได้บ่อนใด

ขออภัยหากคำเว้า  กล่าวผญาพาล่วง

หมู่หายง่วงเมิดแล้ว  ขอแจวอ้าวกล่าวอำลา  เด้อ  สวัสดีครับ  

 

 

 

 

 

 

 

 

 

 

 

 

 

 

ผ.อ.สมพรนัดข่าม  มาแต่วังสะพุง        

ภูเขาสูงผู้สาวงาม  เบิ่งยามใดคือนางฟ้า

มหาบัณฑิตมากันพร้อม  ยอมจ่ายเงินบ่อั้นอั่ง 

หวังได้มากินข้าว เช่ารีสอร์ทซิ่งเบิ่งสาว

อาวสมพรจองไว้ให่  รีสอร์ตชื่อทานตะวัน   

ม่วนนำกันให่เมิดคืน มื้ออื่นเฮาจั่งเมือบ้าน 

ผอ.สมานมาพร้อมรองฯสำราญเขตสี่  

แล่นรถมาที่ลี้ ขอนแก่นพุ้นบ่อนเพินมา

อ.ชวามาจากบ้าน  กุมภวาขอนแก่น  

อยู่แดนเดียวกับสาวซิ่ง  ธัญญพรน้องผู้เพินงาม

เมืองแก่นขามขาดบ่ได้  ผอ.อาทิตย์นัดปีก่อน  

สะออนสาวได้ด๊อกเต้อร์  ชัญแขน้องแม่นเก่งหลาย

 สาวผู้งามป่ายหล่าย  หนองคายบ้านเพินอยู่ 

สู้เขาได้สู่หม่องรองฯจินดาพรให้จื่อจำ

ยามใดหมู่ผินหน่า ไปเซกาอย่าลืมเสี่ยว 

ผอ.สุรกิจพาเที่ยวได้ ใจกว้างปานแม่โขง

คันอยากลงลอยน้ำ ล่องแม่โขงในขวด  

ผอ.บุญชิดซ่อยได้ หนองคายบ้านหมู่เฮา

หมักสาวลาวให่หมู่เอิ้น ผอ.จักรพงษ์บ้านม่วง 

คันง่วงนอนให้หมู่เอิ้น ผอ.จำรัสเว้าเล่านิทาน

ยามมีงานให้หมู่เอิ้น  ผอ.นิคมมาซ่อย 

ฝอยผญาพอซอยได้  ศักดิ์ชายให่เอิ้นหา

ผลามีได้พ้อหน่า  วาสนาหลายได้มาฮ่วม

มาตุ้มโฮมเป็นพี่น้อง มาตีฆ้องฮ่วมกัน

สานสัมพันธ์กันหมั่น  ฮักแพงบ่แหนงหน่าย     

คันบ่ตายฮอดปีหน่า  สัญญาไว้ได้พบกัน

ขออวยพรให่ทุกท่าน  สุขสำราญการท่องเที่ยว     

ผู้ใด๋เคียวให่ได้พ้อ ห่อโอ้นโต้นใหญ่ถืกใจ

ผู้ใด๋ของบ่ขึ่น ยาปัวพอมีอยู่    

จ้างผู้สาวส่ำน้อย เหนี่ยงให่เอาส่ำใด

ให่เจ้าสุขีหมั่น เสมอมันเคือเก่า     

ผู้เถ่าเถ่าถ่าอยู่บ้านให่ของขึ้นจนออกแสง 

เมือมื้อแลงให่เจ้าได้ เบิกถอยหลังฮอดสามสี่ 

โชคดีขี่ถืกหม่องเงินทองล้นหลั่งโฮม… สู่คนเด้อ

โอม  สะวาหิ  โอม  สะวาหะ  โอม ตุ ตะ ตุ ตะ ตุ ตะ…………………… เพี้ยง