กลอนลำลาของครูผู้เกษียณอายุราชการ

กลอนลำลาของครูผู้เกษียณ

ทำนองลำยาว/ลำล่อง

โอ่ โอ ละนอ ๆ…………..นอ    

มาบัดนี้สิได้ลาอ้ายน้อง  ที่มางานทุกท่าน

ผู้มางานมื้อนี้  ขอลาแล้วคู่สู่คน

ขออภัยอย่างเหลือล้น  สิ่งบ่ดีที่เคยก่อ

บ่ตั้งใจหรือพลาดพลั้ง  อภัยบ้างคู่สู่อัน

อย่าลืมกันเด้อพี่น้อง  มีของกินให้เอิ้นแน

อย่าลืมแวเยี่ยมบ้าง  ยามว่างคู่สู่คน

ถึงสิจนแต่ใจกว้าง   ทางน้ำใจยังยิ่งใหญ่      

คันแม่นไปเยี่ยมอ้าย  สิปันยิ้มให้คู่คน

ขอบพระคุณอย่างเหลือล้น  ที่จัดงานเลี้ยงส่ง

บอกตามตรงว่าอ้ายนี้   ดีใจล้นม่วนหลาย

ประทับใจทุกสิ่งสิ้น  งานบ่บิ่นสมบูรณ์ดี

วงดนตรีกะม่วนมัน   อาหารหลายเหลือล้น

เสียงดนตรีดังห้าว   บ่าวสาวเต้นอร่อย

หางเครื่องสาวส่ำน้อย  พาดิ้นม่วนมัน

ขอบพระคุณทุกท่าน  หลาย ๆ อีกล้านเทือ

งานเกษียณแล้วเมือ  ให้เจ้าได้สมใจเจ้าคู่สู่อัน

การงานให้ก้าวหน้า  การเงินกะให้คล่อง  

การทองกะให้ได้   การบ้านให้ม่วนมัน

การอันใดกะให้ได้  สมดังมะโนหมาย

สุขสำบายปานพระยา  อยู่ดีอย่ามีฮ้อน

ให้ได้พรพระอินทร์เจ้า  ร้อยซาวปีบ่เถ่าแก่

ดูแลกันคืออ้ายน้อง  ฮักแพงมั่นบ่หน่ายกัน

ให้สุขสันต์ซาบซ่า  สารพันม่วนซื่น

อายุยืนฮอดร้อย  ห้าสิบปีถ้วนคู่สู่คน

ความทุกข์จนบ่มาใกล้  อันตรายบ่มาผ่า

ให้สุขสันต์ซาบซ่า   หล่อสวยซิ่งขึ่นคู่วัน…เด้อ ๆๆๆๆๆๆๆ

ลำเต้ย

เอ้าลา ลา ลา ลา ลา เอ้าลา ลา ลา ลา ลา

ผมขอลาไปในวันเกษียณ ขอลาออกจากโรงเรียน

ขอลาออกจากโรงเรียน ถึงวันเกษียณจำต้องจากลา

ถึงวันเวลาที่จากไป สุดแสนอาลัยอาวรคุณครู

เกษียณอ้ายกะยังบ่เถ่า   เกษียณอ้ายกะยังบ่เถ่า

คันให่เอาเมียกะยังพอได้อยู่ ใจสู้ปานผุ้บ่าวส่ำน้อย

ส่ำน้อย ส่ำน้อย ส่ำน้อย   สิถอยสู้ได้คู่คืน

อายุยืนจนเป็นผู้เถ่า   อายุยืนจนเป็นผู้เถ่า 

ความเก๋ากะยังพอใช้อยู่ เก๋าชั้นครูหัวหน้าหมู่เด็กน้อย

เด็กน้อย เด็กน้อย เด็กน้อย สิถอยสู้อยู่บ่หนี

โชคดีนะครับคุณครู   โชคดีนะครับคุณครู

ผู้ช่วยเด็กไทยให้งามผ่องศรี ขอให้อยู่ดีกินดี

ขอให้อยู่ดีกินดี ได้เป็นเศรษฐีอยู่แดงมีฮี ได้เป็นเศรษฐีอยู่ดีมีแฮง

ให้เจ้าแข็งละแม่นแฮงหน้า ให้เจ้าแข็งละแม่นแฮงหน้า

แข้งขาเคาะดังติงติง  ตนโตหมู่เจ้าแข่นอิ้งติ้ง

อิ้งติ้ง  อิ้งติ้ง อิ้งติ้ง ยานต้วบต้วยอย่าสิมี

โชคดีนะครับทุกคน   โชคดีนะครับทุกคน

ขอให้ความจนเหินห่างหายหนี ขอให้ฝันได้ตัวดี

ขอให้ฝันได้ตัวดี ถืกหวยงวดนี้ร่ำรวยไปเลย

พ้อกันอย่าสิเฉยเด้อท่าน พ้อกันอย่าสิเฉยเด้อท่าน  

ทักทายกันส่งยิ้มให้แน ส่งสายตายิ้มมาแพ้แว้

 แพ้แว้ แพ้แว้ แพ้แว้  แวเยี่ยมอย่าสิลืม

นั่นละนานางนา อย่าหลงอย่าลืมกันเด้อ  อย่าป๊ะอย่าไลกันเด้อ เออ…